Бөлүмдөр
Бейшемби, 24-май
Ош

Кара-Кулжадагы интернат-лицейдин окуучулары окшош спорттук формага өтүштү (фото)

Turmush -  Кара-Кулжа районунун Кара-Кулжа айылындагы Шарип Жээнбеков атындагы интернат-лицейдин базасында дене тарбия мугалимдеринин «Спорт — ден соолук башаты» облустук семинары өткөрүлдү. Ага Ош облусунун аймагындагы райондордун билим берүү тармагында эмгектенген өкүлдөр, Кара-Кулжа районундагы 55 мектептин дене тарбия мугалимдери, район жетекчилери жана тиешелүү мамлекеттик мекемелердин адистери катышты.

Семинардын жүрүшүндө бирдиктүү спорттук форма көрсөтүлдү. Маалым болгондой, ушул жылы Ш.Жээнбеков атындагы интернат-лицейдин жалпы окуучулары ата-энелердин колдоосу менен бирдей спорттук формаларга өтүшкөн. Ошол эле мектептин дене тарбия мугалими К.Темирбаев сабак өтүү боюнча мастер-класс көрсөттү.

Иш-чаранын максаты — жаш муундардын спорт менен машыгууга болгон кызыгуусун арттыруу жана дене тарбия мугалимдерин тажрыйба алмаштыруу, ошондой эле окуучуларды сергек жашоого үндөө.

Учурда аталган лицейде 40 мугалим, 349 окуучу бар. Бул мекемеде 1-сентябрда мамлекеттик бюджеттин эсебинен сметалык баасы 19 млн сомдук спорт залы пайдаланууга берилген эле.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1393
×