Бөлүмдөр
Шаршемби, 24-октябрь
Ош облусуКара-Кулжа району 03.06.2017 16:40 На русском

Фото - Кара-Кулжада 1 жыл мурун экс-спикер менен Улуу Британиянын элчиси ачкан көпүрө кулап калды

Turmush -  Кара-Кулжа районунун Кара-Кулжа айыл аймагындагы Биринчи Май айылында бир жыл мурда пайдаланууга берилген көпүрө жараксыз абалга келди. Көпүрө 23-майда жана 29-майда каптаган селден улам бузулду, деп билдирди айыл өкмөт башчы Данияр Кадыров.

Бул көпүрөнүн ачылышы 2016-жылдын 26-апрелинде өтүп, пайдаланууга берилген. Ачылыш аземге Жогорку Кеңештин мурунку төрагасы Асылбек Жээнбеков, Улуу Британиянын Кыргызстандагы элчиси Робин Орд Смит катышкан эле.

Курулуш иштериндеги жалпы сметалык баа 8 млн 939 миң сомду түзүп, анын ичинен донорлор 6 млн 219 миң сомун, жергиликтүү өнөктөштөр 2 млн 720 миң сомун каржылаган.

Учурда Кара-Кулжа районунда жалпысынан 100 миңден ашуун калк жашайт. Көк-Жар суусуна курулган көпүрөнү 10 миңден ашуун адам пайдаланып жаткан. Буга чейин жергиликтүүлөр үчүн жайытка жетүү көйгөй болуп, сел каптаган учурда 10-15 күндөп күтүүгө туура келген. Ошондой эле, мал-жандыктар, адамдар да сууга агып кеткен учурлар кездешкен.

Көпүрөнүн өйүзүндө Көк-Жар, Сары-Бээ, Ак-Таш, Жүлгүр, Ой-Алма, Кур-Сай, Жүрөк-Таш, Уугур, Чоң-Уугур жайлоолору жайгашкан.

Көпүрөнүн пайдаланууга берилиши

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×